Зауытта автокөлік орындықтарын өндіру Оңтүстік Кореяның Youngsan компаниясымен серіктестік негізінде жүзеге асып жатыр.

Жобаны іске асыру:

- I кезең (2025 ж.): көбік қалыптарын өндіру, корпустарды құрастыру, пластикалық элементтерді қаптау, электр функцияларын тексеру.
- II кезең (2026 ж.): автомобиль орындықтарына арналған қаптамаларды тігу.

AAP өндірген орындықтар  Hyundai Trans Kazakhstan зауытында шығарылатын Hyundai Tucson және Hyundai Santa Fe модельдеріне жеткізіледі. Алдағы уақытта зауыт орындықтарды Astana Motors Manufacturing Kazakhstan мультибрендті зауытына да жеткізуді жоспарлап отыр.

2027 жылы Youngsan компаниясымен бірлесіп, газ бәсеңдеткіштерді дәнекерлеу, жанармай және тежегіш түтіктерін өндіру бойынша жаңа өндірістік цехтарды іске қосу жоспарланған. Бұл жергілікті өндірілетін автокөлік компоненттерінің тізімін кеңейтуге мүмкіндік береді.